首先講返，博反彈是不應該，但男人就係鍾意博。今次又好彩，港股同美股都有賺但當然不是最高位走。自己諗著恒指今日應該會係度震或者高開，結果兩樣野都冇出現。一開市先跌後走高，走高還可以，但好似過急。如果今日恒指震上震落，甚至乎跌少少我都未必走，只要後天彈上去便可。但大戶好似走唔切咁，係咁夾上。我本來收市想反手沽恒指，但不竟這是逆勢玩，分鐘圖還是升市，我也不敢亂來。本來打算入股後放一段時間，但個頭好似起得古古怪怪，不敢長揸。如果再要買升，我等下一次機會。現在圖表仍是空頭。如果聽日收到陽，估計後市仲有得升。如果升唔到，危機經已在前面，大家小心。
聽日有機會仲有少少升，唔好以為今日升唔起，就走去沽下去，聽日夾高百幾點都有好多熊證被打靶。而且美國CPI係星期4晚先公佈，好大機會呢幾日chok上chok落，之場預計CPI回落，聯儲局減慢加息。
另外11月8日是美國的中期選舉，民主黨可能大敗。到時唔炒CPI反而炒中期選舉民主黨大敗，而股市大跌便麻煩。如果星期二跌至星期四，咁下跌的機會便增加。
這種局面我又選擇全部清倉。如果係順勢，我唔會見恒指好似見頂就走埋美股。因為有時是美股升港股跌的。
