現時好多香港學生喺放學之後都有補習，原因主要有兩個：
- 而家好多學生的父母都同時間返工，冇乜時間照顧細路，所以佢哋搵間補習社可以順便幫佢哋看管自己既仔女。
- 當然最主要嘅原因，係想佢哋啲仔女學業進步，考試取得高分，未來可以搵間好學校。
小型補習除咗可以教你既細路仔讀書之外，仲可以教育小朋友嘅品德，因為每日見得最多嘅人分分鐘係嗰位補習老師。所以搵補習社嘅時候最好了解一下老師嘅個人品德。
如果補習社有試堂，可以先參加了解一下。一來可以了解老師嘅學歷同埋經驗，二來可以了解埋老師嘅品德。
小型補習社仲可以提供一個環境畀啲細路仔擴闊佢哋嘅生活圈子，適應同唔同嘅人溝通，對佢哋個人嘅身心發展頗有裨益。
