辦公室政治除咗喺香港，其實世界各地都會有，尤其係發生喺大公司，正所謂人多是非必然多。
咁點樣先可以減少辦公室政治呢？
想減少辦公室政治或排除辦公室政治，管理層或者老闆必須要主動諗方法去解決。例如見到有人喺背後講另一個人嘅壞話，必需要「立即停止」。因為一傳十，十傳百，事情越演越烈，辦公室政治便會根深蒂固，是非問題永遠解決唔到。
或者老闆或管理層喺開會嘅時候同同事講，如果對某個同事有意見，歡迎大家喺開會嘅時候，等大家都在場嘅時候互相建設性討論，讓大家減少誤會。
以上呢段說話，可以記錄在公司的內聯網上，或者間中喺開會時候再重申一次，避免佢哋唔記得咗，之後又不斷咁喺度講是非。
整間公司各部門都可以和諧咁合作，相信係公司成功嘅重要因素之一。你諗下如果一支足球隊，踢唔同位置嘅球員都唔肯互相協調，試問球隊能爭標既機會會有幾多呢？
仲有一點要提出，是非出現通常都係因為溝通不足。例如我搵你做嘢，想你做乜嘢、幾時做好件事、預期會見到乜嘢效果。如果大家溝通得清楚啲，個人覺得是非會減少。
