餐廳最好嘅宣傳方法

好多茶餐廳或者啲高級餐廳,佢都想搵多啲生意。究竟有咩方宣傳方法可以做呢?

一般地區性服務嘅茶餐廳佢哋嘅宣傳方法通常都係派傳單或者洗樓。派傳單搵啲佢哋餐廳附近,又多人行嘅街道派,咁就得㗎喇。小店可以叫返佢哋嘅員工走去派,但留意一樣嘢就係如果佢嘅員工派得好慢,例如一個鐘都派唔到二三十張,咁不如叫佢返返餐廳工作。茶餐廳嘅傳單其實係好易派,因為個個都有需求。小店有冇人嚟食,主要視乎餐廳嘅衛生環境同埋啲嘢好唔好食。正所謂有麝自然香,同事之間會互相流傳同埋推介。當派傳單搵到客之後,就用食物質素去達到品牌宣傳嘅效果。

想做到由客戶推薦俾自己嘅朋友或者同事知,可以考慮做返一個餐牌網站。一來佢推薦嘅朋友或者同事可以利用餐牌網站既網址以whatsapp或facebook分享出去,畀人睇到知道你哋餐廳有乜食物可以叫。二來如果你哋個網站有食物推介,仲可以促銷某類的食物,餐廳大量入貨,成本自然降低。最後如果你個餐廳佈置得別緻,可以考慮將你餐廳環境嘅相片放喺網站度,同樣都可以令你間餐廳嘅人氣提升,達到很好的宣傳效果。

當然如果你個網站喺google嘅排名做得好高,例如打串燒就搵到你間公司嘅餐牌網站,咁等於google幫你免費宣傳。

另外,如果你間小店搬咗位置,客戶可以透過喺google輸入你小店的名字,搵到你個網站,從而知道你搬咗去邊。

marketing service

Share:

More Posts

Send Us A Message