“1”飲完就丟
1代表PETE(聚對苯二甲酸乙二醇酯)，PETE是生活中常見的一種樹脂，其塑膠具質輕、透明度高、耐衝擊不易碎裂等特性，也可保留樽內二氧化碳氣體，讓汽水保持有「氣」，故適合用作盛載水和飲品。一般礦泉水、碳酸飲料同功能飲料樽都係用呢種材質，適合裝暖飲或凍飲，最高耐熱45攝氏度，溫度一高就會容易變形，可能會溶出一D對人體有害嘅物質，唔好直接將滾水沖入樽內。1號塑膠品用超過10個月後，可能釋放出致癌物DEHP。注意，唔可以放係車內曬太陽、唔好裝酒、油等物質。例子：一般飲品膠樽、水樽、膠杯、菲林等。
“2”不建議做裝水用具
2代表HDPE(高密度聚乙烯)，裝有清潔用品、沐浴產品嘅塑膠容器或商場用嘅膠袋多係呢種材質製成，可耐110℃高溫，若標明用於食物可用來裝食物。裝清潔用品、沐浴產品嘅塑膠容器可小心清潔後重複使用，但常因清洗唔夠徹底，有殘留，從而變成細菌溫床。例子：清潔用品、沐浴露膠樽等。
“3”較少用於裝食品
3代表PVC(聚氯乙烯)，其中增塑劑含有害物，遇到高溫同油脂時容易析出，目前唔少增塑劑係歐洲已禁用，現時已較少用於包裝食品。常見製作於雨衣、建材、塑膠膜、塑膠盒等，可塑性優良，價錢實惠，使用普遍，但只耐熱81℃，高溫時容易有危害物質產生,所以少被用於食品包裝。因為難清洗且易殘留，所以唔好循環使用，如果裝飲品就唔好購買。例子：橫額、水喉、手套、雨衣等。
“4”超過110℃會出現熱熔現象
4代表LDPE(低密度聚乙烯)，保鮮膜、塑膠膜嘅原料，耐熱性唔強。合格嘅PE保鮮膜係溫度超過110℃時會出現熱熔現象，留低人體無法分解嘅塑膠製劑。如果包裹係食物外部同時加熱，食物中嘅油脂會容易將保鮮膜中嘅有害物質溶解出來。例子：保鮮紙、背心膠袋、紙巾包裝袋、食物袋、泡泡紙等。
“5”認真清潔後可重複使用
05代表PP(聚丙烯)，係唯一可以放入微波爐中加熱嘅材質，所以成為咗製作微波爐餐盒嘅原料，耐130℃高溫，熔點高達167℃時，透明度差，認真清潔後便可重複使用。例子：塑膠餐盒、飲管、即棄餐具等。
“6”切忌直接加熱碗裝公仔麪盒
6代表PS(聚苯乙烯)，用於製造碗裝公仔麪盒、發泡速食盒材質，唔可以用於盛裝強酸如橙汁、強鹼性物質，因為會分解出對人體有害嘅聚苯乙烯即致癌物質。雖然耐熱又耐寒，但會因溫度過高而釋出化學物，所以切忌直接係微波爐中加熱碗裝公仔盒。例子：益力多樽、即棄杯蓋、發泡膠碗、餐盒等。
“7”小心用，便可避免雙酚A
7代表PC及其他類PC（聚碳酸酯）製造，被大量使用嘅一種材料，多用於製造奶樽、太空杯等，因為含有有毒雙酚A而備受爭議。理論上，只要係製作PC過程中，雙酚A被百分之百轉化成塑膠結構，就表示製品完全無雙酚A，更唔會釋出，但無廠家能夠保證雙酚A已被完全轉化，所以係使用過程中還需有所注意。雙酚A，溫度愈高釋放愈多，速度也愈快。雖然以前在製造過程中會添加BPA（雙酚A），但近年發現BPA含類雌激素，有機會影響生殖系統及發育。 可購買BPA-free（不含雙酚A）的產品，以保安全。例子：光碟、合成塑膠製品等。
