我本身是工作比較急進的人，經常一時衝動或想快人一步，理想達到個種。未等到客觀情況許可，便率先衝入去想霸個靚位，結果都係失敗收場。
有時候爭少少就係爭少少，我曾經用分鐘圖去研判阻力位已升穿，立即買上去。怎料到，分鐘圖收個一刻冇穿，收了一條長長上影線，根本沒有出現買入訊號。自己見到大戶急速咁抽一抽上去便怕之後高追，提早入市。這些都是大戶的技倆，我之前中過不少次，最後止蝕，但由於分鐘圖走得太快，止蝕都止唔切，結果好聽咁講輸多少少。
因此，投資必定要等，大戶必定做到個效果是好快爆升，唔追就蝕抵。你一追就立即套住你。這個識技術分析既朋友仔，必定要記著，不要受到大戶的迷惑。
還有一點，是切記想日日落場同大戶比拼，除非你是高手，玩分鐘圖即日市，否則建議用日線圖等訊號出，今日出唔到咪等聽日，聽日冇訊號咪等後日，買入賣出訊號在日線圖不會經常出現。有時我自己錯過了最佳買入時機，便放棄呢一轉，搵其他野買。切忌炒死一種，咁樣等，時間成本不成對比。筆者玩開ETF，我手機已Mark低不同種類的ETF，如果有正反向的ETF，都有五六隻到。例如今舖歐元升咪買歐元，呢期黃金升咪買黃金，絕少做逆趨勢。如果大家等唔到，就搵多幾隻，睇下邊隻到位可買入。
